မင်းကုန်းသားကြီး

သမ္မာဓိ ဆိုသည်မှာ
မိမိရဲ့ စိတ်ကလေး တည်ငြိမ်ပြီး ကြည်လင်မှုရှိနေတာကို ခေါ်တယ် ။
စိတ်မချမ်းသာရင် သမာဓိမဖြစ်ဘူး ။ သမာဓိ ရချင်တယ်ဆိုရင်
စိတ်ချမ်းသာမှု ရှိရမယ် ။ စိတ်ချမ်းသာတယ်ဆိုတာ
တခြားမထင်နဲ့ ။ ကုသိုလ်စိတ်ဖြစ်နေတာပါ ။ ကုသိုလ်စိတ်
ဖြစ်မှစိတ်ချမ်းသာမယ် ။ စိတ်ချမ်းသာမှ သမာဓိဖြစ်မယ် ။
ကုသိုလ်စိတ်မဖြစ်ရင် စိတ်ဆင်းရဲမယ် ။စိတ်
ဆင်းရဲရင် သမာဓိ မရနိုင်ဘူး ။ စိတ်ဆင်းရဲတယ်ဆိုတာဟာလည်း
ကိုယ့်ရပိုင်ခွင့်နဲ့ ကိုယ်မကျေနပ်ရင် စိတ်ဆင်းရဲတယ် ။ မိမိရထားတဲ့
အခွင့်အရေး ၊ လာဘ်လာဘ ၊ စည်းစိမ်ဥစ္စာကို အထင်သေးနေရင်
စိတ်ဆင်းရဲတယ် ။ စိတ်ဆင်းရဲလို့ သမာဓိ မရတာ ။
ဓမ္မဒူတ ရှင်ဆေကိန္ဒ

ဒါနပြုရာ၌ ရှိရမည့်အင်္ဂါ (၆) ပါး….
(၁) မိမိမှာ သီလနှင့် ပြည့်စုံခြင်း ။
(၂) အလှူခံပုဂ္ဂိုလ်ကလည်း သီလနှင့် ပြည့်စုံခြင်း ။
(၃) လှူရန် ၀တ္ထုကလည်း စင်ကြယ်ခြင်း ။
(၄) လှူနေစဉ် အခါကာလ၌ မိမိစိတ်ကို ကြည်လင်သန့်ရှင်းစွာထားခြင်း ။
(၅) အကျိုးကို ဉာဏ် ၊ သဒ္ဓါတို့နှင့် သိမြင်သုံးသပ်ပြီးကာမှ လှူဒါန်းခြင်း ။
(၆) အသိဉာဏ်ရှေ့ထားပြီး စိတ်ကိုအေးမြသန့်ရှင်းစွာထားခြင်း ၊ အလှူကြောင့်
အပူအပင်နောက်ဆံတင်းမှုမရှိခြင်း ။
တိပိဋကဓရ-ဓမ္မဘဏ္ဍဂါရိက
အဂ္ဂမဟာပဏ္ဍိတ
ဘဒ္ဒန္တသိရိန္ဒာဘိဝံသ

* မုစလိန္ဒသတ္တာဟ၌ မြတ်ဗုဒ္ဓက လုလင်ယောင်ဖန်ဆင်းထားသော
နဂါးမင်းအား ဤသို့ဟောတော်မူခဲ့လေ၏ …..
* သတ္တ၀ါအပေါင်းတို့ကို ထိပါးတတ်သည့် ဒေါသ၏
ကင်းခြင်းသည် ချမ်းသာ၏ ။
* ကာမဂုဏ်ငါးပါး၌ လိုက်စားတက်ငြိတတ်သည့်
ရာဂကင်းခြင်းသည် အလွန်ချမ်းသာ၏ ။
* ငါဟူသော မာန်ရစ်ခြင်းကို ကွာ၍ သတ္တ၀ါတို့အား
မညှင်းဆဲဘဲ သည်းခံခြင်းသည် အလွန်ချမ်းသာ၏ ။

*ငါနှင့်ငါသာ ၊ နှုိင်းစရာဟူ ၊ပညာမုံယို ၊ အရွယ်ပျိုက ၊
မဆိုစလောက် ၊ မာန်ဆောင်မြောက်၏ ။ *

* ယောက်မသည် ဟင်း၏အရသာကို မသိဘိသကဲ့သို့ မိုက်သူသည် အသက်ရှည်သမျှ ကာလပတ်လုံး
ပညာရှိကို ဆည်းကပ်စေကာမူ သူတော်ကောင်း တရားကို မသိနိုင် ။
* လျှာသည် ဟင်း၏အရသာကို သိဘိသကဲ့သို့ သိကြားလိမ္မာသူသည် တခဏမျှ ပညာရှိကို ဆည်းကပ်ရစေ
ကာမူ သူတော်ကောင်းတရားကို လျှင်မြန်စွာ သိနိုင်၏ ။
(ဓမ္မမဒ)

သူများမုန်းစေသော ကြောင်း(၇) ပါး….
(၁) လာဘ်လာဘကို တပ်မက်ခြင်း ။
(၂) ကိုယ့်ကို အရိုအသေပေးစေလိုခြင်း ၊ အလေးဂရုပြုစေလိုခြင်း ။
(၃) သူများ အထင်သေးမခံလိုခြင်း ၊ သူများ အထင်ကြီးစေလိုခြင်း ။
(၄)အကုသိုလ် လုပ်ရာမှာမရှက်ခြင်း ။
(၅) အကုသိုလ် လုပ်ရာမှာမကြောက်ခြင်း ။
(၆) လောဘ အရမ်းကြီုးခြင်း ။
(၇) အယူမှားခြင်း ။
ဆရာတော်ရှင် ဆေကိန္ဒ

ကုသိုလ်ဖြစ်ရန် အကြောင်း(၆)ပါး…..
(၁) အသင့်အတင့် အမှန်အတိုင်း နှလုံးသွင်းခြင်း ။
(၂) သူတော်ကောင်းတရား နာကြားခြင်း ။
(၃) ဘုရားအစရှိသော သူတော်ကောင်းများကို မှီဝဲဆည်းကပ်ခြင်း ။
(၄) မိမိ၏ ကိုယ်နှင့်စိတ်ကို ကောင်းအောင်ထားခြင်း ။
(၅) သင့်တင့်လျောက်ပတ်သော နေရာ၌ နေခြင်း ။
(၆) ရှေးရှေးဘ၀က ကုသိုလ်ကောင်းမှုရှိခြင်း ။

ရဟန်းတို့…..မခိုင်မာသော သစ်ပင်ကို လေပြင်းမုန်တိုင်းသည် နှိမ်နင်းနိုင်သကဲ့သို့ သာယာ
တင့်တယ်ခြင်းကိုသာ အစဉ်တွေးတော၍နေသော ၊ ဣနြေ္ဒတို့ကို မစောင့်ထိန်းသော ၊ အစားအစာ၌
အတိုင်းအရှည်ကို မသိသော ၊ ပျင်းရိသော ၊ ၀ီရိယနည်းသော ပုဂ္ဂိုလ်ကို ကိလေသာမာန်သည် နှိမ်နင်းနိုင်၏
ရဟန်းတို့ ….ကျောက်တောင်ကို လေပြင်းမုန်တိုင်းသည် မနှိမ်နင်းနိုင်သကဲ့သို့ မသာယာခြင်း
ကိုသာ အစဉ်တွေးတော၍နေသော ၊ ဣနြေ္ဒတို့ကို စောင့်ထိန်းသော ၊ အစားအစာ၌ အတိုင်းအရှည်ကို
သိသော ၊ သဒ္ဓါတရားနှင့် ပြည့်စုံသော ၊ လုံ့လရှိသော ပုဂ္ဂိုလ်ကို ကိလေသာမာန်သည် မနှိမ်နှင်းနိုင်
ဓမ္မပဒ
( မဟာကာလ နှင့် စူဠကာလ ၀တ္ထု )

ယခုအခါ ၊ လူလည်းဖြစ်လာ ၊
သာသနာလည်းထွန်းခိုက် ၊ အမြိုက်တရား ၊
ဟောကြားမည့်သူ ၊ လူလည်းမရှား ၊
သို့ပါလျက်သားနှင့် မှ……
တရားမလိုက် ၊ အမှားကို ကြိုက်ကြလျှင် ၊
အမိုက်တကာ့ဗိုလ်မင်း ၊ အဖျင်းတကာ့ဗိုလ်ချုပ် ၊
အပါယ်လေးလီ ၊ မြစ်နဒီတွင် ၊ ပလုံစီမြုပ်လို့ ၊
လူယုတ်ကြီးတွေ ဖြစ်ချိမ့်မည် ။
စလေ ဦးပုည

န ဘိက္ခဝေ ဟိနေန အဂ္ဂဿ ပတ္တိ ဟောတိ ၊
အဂ္ဂေန ခေါ ဘိက္ခဝေ အဂ္ဂဿ ပတ္တိ ဟောတိ ၊
ရဟန်းတို့…. အညံ့စား လုံ့လ၀ီရိယဖြင့် အမြတ်စား အထွတ်အထိပ်သို့ ရောက်ရိုးထုံးစံမရှိချေ ။ အမြတ်စား လုံ့လ၀ီရိယဖြင့်သာ အမြတ်စား အထွတ်အထိပ်သို့ ရောက်ရိုးထုံးစံရိုချေ၏ ။
( နိဒါန ၀ဂ္ဂသံယုတ် ၊ ၂၆၇ )

မြတ်စွာဘုရားရှင်က ဒေ၀ဒတ်ကို အကြောင်းပြု၍ ဤသို့ ဟောကြားတော်မူခဲ့လေ၏
- မကောင်းမှုကို ပြုလေ့ရှိသော ပုဂ္ဂိုလ်သည် ပစ္စုပ္ပန်ဘ၀၌လည်း ပူပန်ရ၏ ။
- တမလွန်ဘ၀၌လည်း ပူပန်ရ၏ ။
- ပစ္စုပ္ပန် ၊ တမလွန် နှစ်ခုလုံး ပူပန်ရ၏ ။
- ငါသည် မကောင်းမှုကို ပြုမိပြီဟု သိသည်နှင့် တပြိုင်နက် ပူပန်ရ၏ ။
- တမလွန်ဖြစ်ရာ အပါယ်ဘုံ၌ကား ထို့ထက်ပို၍ ပူပန်ရ၏ ။

ပျက်တာကို ပြင် ၊ ပျောက်လျှင်ရှာဖွေ ၊
သုံးလေမျှရုံ ၊ ဉာဏ်ထုံသူအား ဦးမထား ၊
လေးပါးကြီးပွားကြောင်း ။
ပျက်တာမပြင် ၊ ပျောက်လျှင်မရှာ ၊
ဗလပွသုံး ၊ ဉာဏ်ထုံသူအား အမှူးထား ၊
လေးပါးပျက်ဆီးကြောင်း ။
ရအောင်ပြုလုပ် ၊ သိမ်းထုတ်လုံအောင် ၊
သုံးစွဲမျှရုံ ၊ ပေါင်းတုံမိတ်ကောင်း ကြီးပွားကြောင်း ၊
ကောင်းကောင်းမှတ်ကြပါ ။

အနတ္တပုစ္ဆက ဗြဟ္မက အကျိုးမရှိကြောင်းတရားကို ဟောကြားရန် တောင်းဆိုသဖြင့်
မြတ်စွာဘုရားရှင်က အကျိုးမရှိကြောင်းတရား (၆)ပါးကို
အောက်ပါအတိုင်း ဟောကြားတော်မူခဲ့လေ၏-
(၁) အိပ်ရာက နေမြင့်မှ ထခြင်း ။
(၂) ပျင်းရိဖင့်နှေးခြင်း ။
(၃) ရက်စက်ကြမ်းကြုတ်ခြင်း ။
(၄) သောက်စားမူးရစ်နေခြင်း ။
(၅) တစ်ယောက်တည်း ခရီးသွားခြင်း ။
(၆) သူ့ သားမယားအိမ် ၀င်ထွက် သွားလာ ၊
သူ့ သားမယားနှင့် ဆက်ဆံခြင်း ။

မြတ်စွာဘုရား နှင့် လောကဓံ
မြတ်ဘုရားပင် ၊ လောကဓံတရားကို
ရှောင်ရှားမရ ၊ တွေ့ရတယ် ။
ပဉ္ဇသာလာမှာ ၊ ဆွမ်းခံမရလို့
ပီတီမျှနှင့် ၊ ၀မ်းဝခဲ့တယ် ။
ဝေရဉ္ဇမှာ ၊ ဆွမ်းခံမရလို့
ဂျုံကြမ်းမျှနဲ့ ၊ မျှတခဲ့တယ် ။
နာဂမထေရ် ၊ လမ်းခွဲကြွလို့
ဗုဒ္ဓတစ်ပါးတည်း ၊ ကျန်ဘူးတယ် ။
မေဃီယမထေရ် ၊ လမ်းခွဲကြွလို့
ဗုဒ္ဓတစ်ပါးတည်း ၊ ကျန်ဘူးတယ် ။
ကောသမ္မီပြည်မှာ ၊ သံဃာကွဲလို့
ပလလဲတောမှာ ၊ ဧကစာကျင့်တယ် ။
စီဉ္ဇမာ ၊ သုန္နရီ ၊ မာဂဏ္ဍီများက
မုသားလုပ်ပြီး ၊ မမှန်စွပ်စွဲတယ် ။
ဗုဒ္ဓမြတ်စွာ ၊ သည်းခံချေပလို့
နိန္ဒလောကဓံ ၊ အောင်လံရတယ် ။
ကျော့အောင့်ခါးနာ ၊ ဘုရားမှာဆိုက်လို့
ဒေ၀ဒတ်မိုက်ကြောင့် ၊ သွေးစိမ်းတည်တယ် ။
ဝေဠုဝရွာ ၊ နေစဉ်တွင်းက
ထန်ပြင်းရောဂါ ၊ ဖြစ်သေးတယ် ။
ဗရိတ်နိဗ္ဗာန် ၊ စံခါနီးမှာ
ယိုစီးသွေးသွန် ၊ ၀မ်းနာသေးတယ် ။
ထိုရောဂါများ ၊ ရှူမှတ်ပွား
ဘုရားသည်းခံ ၊ ပယ်နိုင်တယ် ။
အဲဒါကြောင့်…နင်လားဟဲ့ လောကဓံ ၊ အောင်ပွဲခံ
အောင်လံလွှင့်စို့ကွယ် ။
လင်္ကာ……..အရှင်မြတ်ညောင်ကန်အရှင်ဣန္ဒက

လူတစ်ယောက် ဘာလုပ်နေသည်ကို သူဘာလုပ်နေပါသည်ဟု
ပြောသဖြင့်မသိရ သူု၏လုပ်ဆောင်ချက်များဖြင့်သာ သိရ၏ ။

လုပ်ငန်းတစ်ခု အောင်မြင်ရေးအတွက် အခြေခံလိုအပ်သောဣဒ္ဓိပါဒ် (၄) ပါး…..
(၁) ခိုင်မာသော ရည်မှန်းချက် ရှိရမည် ။
(၂) မဆုတ်နစ်သော ကြိုးပမ်းမှု ရှိရမည် ။
(၃) စိတ်ဓာတ်ခိုင်မာရမည် ။
(၄) လုံလောက်သော ဉာဏ်ပညာ ရှိရမည် ။

*ချမ်းသာလိုလျှင် သူများအထင်သေး ခံရမှာ မကြောက်ပါနှင့်*

ပူဆွေးသောကငှက်များ သင့်ခေါင်းပေါ်ကနေ ဖြတ်သန်း ပျံသန်းသွားခြင်းကို
သင်လုံးဝတားဆီးနိုင်မည်မဟုတ် ။ သို့သော် သင့်ခေါင်းပေါ်တွင် အသိုက်ဆောက်
အခြေချမနေကောင်းကား သင်တားဆီးနိုင်သည် ။

လောက၌ အမှားလုံးဝ မကျူးလွန်ခဲ့ဘူးခြင်း သူဟူ၍မရှိ
အမှားမကျူးလွန်ခဲ့ဘူးသူသည် ဘာတစ်ခုမှ မလုပ်ကိုင်ခဲ့ဘူးသူ
သာဖြစ်သည်။ အမှားတကာ့အမှားထဲတွင် ထိုသို့ဘာတစ်ခုမှ
မလုပ်ကိုင်ခဲ့ဖူးသူသာလျှင်အကြီးမားဆုံး အမှားဖြစ်သည် ။